3 აგვისტოს “ბრავო რექორდსმა” მსოფლიოში ცნობილ ქართველ პიანისტ ქალს – ელისო ბოლქვაძეს უმასპინძლა. გამოჩენილი მუსიკოსი, ნოემბერში, ახალი ალბომის ჩაწერას გეგმავს, რისთვისაც მან “ბრავო რექორდსის” სტუდია შეარჩია.
ალბომში, მხოლოდ შუბერტის ნაწარმოებები შევა. მნიშვნელოვანია ის ფაქტიც, რომ შუბერტისთვის დამახასიათებელი ჟღერადობის მიღება როიალზე ძალიან რთულია, თუმცა “ბრავო რექორდსის” სტუდიაში არსებულმა “იამაჰას” ინსტრუმენტმა, პიანისტის მოლოდინები სრულიად გაამართლა.
აღსანიშნავია, რომ ელისო ბოლქვაძის კარიერულ ისტორიაში, ეს იქნება საქართველოში ჩაწერილი პირველი ალბომი. უკვე მიმდინარეობს მოლაპარაკებები მის გამოცემასა და დისტრიბუციასთან დაკავშირებით.