“საქართველოს ამერიკელ მეგობართა ასოციაციამ” და “ამერიკის სავაჭრო პალატამ საქართველოში” 21 იანვარს, სასტუმრო “რედისონ ბლუ ივერიაში”, საქველმოქმედო საღამო გამართა. საქველმოქმედო საღამოს მიზანს წარმოადგენდა, თანხების შეგროვება, ნიქოზის განათლებისა და კულტურის ცენტრის მხარდასაჭერად. 2008 წლის აგვისტოს, ომის შედეგად დანგრეული ნიქოზი, აღადგინეს და მოსახლეობამ შეძლო საკუთარ სახლებში დაბრუნება. ეს ცენტრი იქნება ის ადგილი, სადაც ადგილობრივი მოსახლეობა ხელოვნების საშუალებით შეეცდება ომისგან მიყენებული ჭრილობების მოშუშებას.
საქველმოქმედო საღამოზე თამთა ცხვიტავამ სადებიუტო ალბომიდან “დასაწყისი”, 6 სიმღერა შეასრულა. “რედისონ ბლუ ივერიაში” გამართულ საქველმოქმედო საღამოს დიპლომატიური კორპუსის წარმომადგენლები, ასევე ქართული და უცხოური კომპანიების მმართველები დაესწრნენ.
