რეზო გიგინეიშვილის ფილმის, “სიყვარული აქცენტით”, საუნდტრეკი “ბრავო რექორდსში” ჩაიწერა. ეს რეზოს მეხუთე ფილმია. ფილმის გადაღებები თბილისში, ბათუმში, კახეთსა და ყაზბეგში მიმდინარეობდა. ფილმი 7 სასიყვარულო ნოველას მოიცავს, სადაც არ არსებობს საზღვრები, წესები და ეროვნებები.
“ბრავო რექორდსის” სტუდიაში დათო ევგენიძე, ნიკა რაჭველი და რეზო გიგინეიშვილი საქართველოს ეროვნულ სიმფონიურ ორკესტრთან ერთად შეიკრიბნენ. ჩაიწერა გია ყანჩელის, დათო ევგენიძის და ნიკა რაჭველის ნაწარმოებები.
