ამერიკასა და უკრაინაში მოღვაწე, უნიჭიერესი ქართველი მომღერალი და კომპოზიტორი Sophie Villy (სოფო ხუციშვილი) ახალ, რიგით მესამე ალბომზე მუშაობს. თბილისს Sophie Villy-ის ბენდის წევრი, უკრაინელი დრამერი, დიმიტრი ზინჩენკო ესტუმრა, რომელიც „ბრავო რექორდსში“, თავის პარტიას წერს. ახალ ალბომში, სახელწოდებით – „Planet A”, 11 და ბონუსად, 1 სიმღერა შევა. მათ შორის იქნება, კოლაბორაციები ნიკა მაჩაიძესთან და გოგი ძოძუაშვილთან. პრეზენტაცია, საერთაშორისო მასშტაბით, 2017 წლის მარტში იგეგმება. შეგახსენებთ, რომ Sophie Villy-მ, პირველი ალბომი „Mother Fish“ და მეორე ალბომში („DRESS”) შესული, რამდენიმე სიმღერა, „ბრავო რექორდსში“ ჩაწერა.
