2015 წელს, სასტუმრო „ყვარლის ედემმა“, „ბრავო რექორდსთან“ ერთად, საფუძველი ჩაუყარა ჯაზისა და ღვინის ივენთების ციკლს. პირველი მუსიკალური საღამო მიეძღვნა „ყვარლის ედემის“ ღვინის ქარხნის გახსნას, რომელიც ცნობილი ამერიკელი ჯაზმენის, Frank McComb-ის ტრიოს კონცერტის თანხლებით შედგა. ტრადიცია წელსაც გაგრძელდა და ამჯერად, სასტუმროში შედგა პოპულარული კუბელი მომღერლის, Yanela Brooks-ისა და მისი ბენდის კონცერტი, რომელზეც ცნობილი ცეცხლოვანი ლათინური და მსოფლიო ჰიტები შესრულდა. კონცერტი გაიმართა, „ყვარლის ედემის“ ქარხნის მიერ, ღვინის პირველი ჩამოსხმის აღსანიშნავი სადეგუსტაციო საღამოს ფარგლებში.
