სტრასბურგის საშობაო გამოფენაზე, რომელსაც ყოველწლიურად 4 მილიონი სტუმარი ჰყავს, საქართველოს პირველად ეძლევა შანსი, მსოფლიოს თავისი კულტურა, კულინარია და ტრადიციები გააცნოს. საქართველოს მოწვევის გადაწყვეტილება სტრასბურგის მერიამ მიიღო, სადაც განაცხადი რამდენიმე ქვეყნიდან იყო შესული. 2012-2013 წლის საშობაო ბაზრობის სტუმარ ქვეყნების შერჩევისას, არჩევანი, საქართველოსა და იაპონიას შორის, საქართველოს სასარგებლოდ გაკეთდა.
კულტურული პროგრამის ფარგლებში, საფრანგეთში მიწვეულები არიან ანსამბლები: “სუხიშვილები”, “რუსთავი”, “ლაშარი”, პიანისტი ხატია ბუნიათიშვილი, ჯაზმენი ბექა გოჩიაშვილი და სხვა. ქართველ მომღერალ თამთა ცხვიტავას კი სტრასბურგში, სოლო კონცერტის ჩატარების პატივი ერგო. იგი 10 დეკემბერს, ოპერის მცირე დარბაზში, 6-კაციან ბენდთან ერთად წარსდგება მაყურებლს წინაშე, სადაც შეასრულებს სიმღერებს, თავისი პირველი ალბომიდან – “დასაწყისი” და ასევე, უცხოურ ქავერებსაც შესთავაზებს მსმენელს.
